Deprecated: __autoload() is deprecated, use spl_autoload_register() instead in /customers/6/1/7/uyghur.kim/httpd.www/wp-includes/compat.php on line 502 Deprecated: Function create_function() is deprecated in /customers/6/1/7/uyghur.kim/httpd.www/wp-includes/pomo/translations.php on line 208 Hislar, pikirler we so’allar » Azat Uyghur Munbiri

TARIHI EMINIYE – HISTORY OF PEACE
HUNLARNING QISQICHE TARIHI
SHERQIY TURKISTAN TARIHI
QESHQERNING YEQINQI WE HAZIRQI ZAMAN MAARIP TARIXI
Tengri qamchisi Atilla
1933-1937 - yilliridiki weqeler
1944 - yilidiki weqeler
Ottura Asiya Tarixi Tézisliri
Seidiye xanliqi heqqide qisqiche bayan
Sopaxun Sawurof Heqqide Stalingha yollanghan xet
Sun jungsen we Ilixan Töre
Uyghurlarning Mongghul impiriyiside oynighan roli.
Uyghurlar Sherqte we Gherbte
Qedinqi Merkizi Asiya
Uyghur Kilassik Edebiyat Tarixi
Uyghur Maarip Tarixi
Tarixtin Qisqiche Bayanlar
Hoten Qozghulingi Heqqide
Uyghurlar - Turghun Almas
«Tarixiy reshidiy» heqqide
Ili sultani obul elaning chet eldiki tutqunluq hayatigha da'ir muhim üch höjjet
Qaraxanilar we Idiqut xanliqi heqqide
9 - 12 - Esirlerdiki Uyghur Döletliri
8-10- Esirlerdiki Gherbiy Yurt heqqide tetqiqat
Qedimqi Merkizi Asiya
Jenubiy Shinjyang Uyghur xiristiyan uyushmisi
Kazaklar Aqsuda
Alte Sheher Mektupliri
Yerken xanliqi tarixidin omumiy bayan
Ürümchi Söhbitidin kéyin
Seidiye xanliqigha dair matériyallar
Qaraxanilarning Dölet Teshkilati
Orxun Uyghur xanliqining qisqiche Tarixi
Farabi we uning Pelsepe sistémisi
Choqan welixanow we Uyghurlar heqqide
Uyghur kilassik Edebiyat tarixi
Xoten qozghilingi Heqqide
Millitars Shing dewridiki eslime
Bughraxanlar tezkirisi
1933 - 1937 - yilliridiki weqeler
6 - déwiziye
1944 - yilidiki paaliyet
Shinjyang Tarix Matériyalliri 1- 50
Uyghurlarning shekillinish jeryani
Balasaghunning Orni
Milliy Armiyining qisim qurulmisi
Orxundin Jewherler 1 - 2
Altay neshriyati
  • 1
  • 2
  • 3
  • 4
  • 5
  • 6

!Barliqimiz Bedel Bolsun Weten Üchün

.Sehipimizdiki Barliq Eserler Heqsiz. Xalighanche Chüshürüp Paydilansingiz Bolidu

Hislar, pikirler we so’allar

 

Abduweli ayup

”Amérikidiki musapir tuyghular“ we ”uyghurluq musapemdiki amérika“ namliq kitablirimgha ilawe
Amérikidiki musapirliq hayatimning yadnamiliri bolghan edebiy xatiremni asasen élan qilip boldum. Yazghanlirimning hemmisi dégüdek bashtin kechürgenlirim, oqughanlirim, télwizorlardin körgen we tonush bilishlerdin anglighanlirimdin élinghan. Peqet ”tepekkur tutqunliri we biz“ déyilgen yazmila xiyallirimdin toqulghan. Ipadilimekchi bolghinim qeshqerning jahan közidiki séhiri, ghéripliqi, charesizliki we mehkumliqi édi. Uyghur medeniyitining böshüki dep teriplinidighan bu sheherning istek we ghayiliri qayrip bölengen, put qolliri téngilghan halettiki natiwanliqi, halsizliqi we sülkitini süretlep baqay dégenidim. Janirni éniq eskertmiginim, oqurmenlirimning zoqlinish aditi we nazuk ghururini yéterlik nezerge almighinim üchün yazma sel xata chüshinildi.
Bundin bashqa uyghur xanim qizlirining bashqa millet kishiliri bilen toylishishi heqqide yézilghan yazmimu nériwilarni bi’aram qilghan boldi. Men peqet özüm shahid bolghan riyalliqini yazdim, teswirlesh teshwiq qilish emes. Eger yazma terghibattek, teshwiq qiliniwatqandek menide chüshinilgen bolsa, kechürünglar xata chüshenche bérip qoyuptimen. Belkim xata chüshinilip qalghan bolishimu mumkin. Teshebbusumgha kelsem uyghur erliri unutmayliki, xanim qizlirimizni barawer körmey turup barawerlik telep qilalaydighan ewlad yétishtürelmeymiz. Ularni qedirlimey turup, qedir qimmet shertsiz qoghdilidighan a’iliwiy mohit berpa qilalmaymiz.
Méning uyghur we amérikadiki a’ile qarashlirini sélishturup yazghan ayal, perzent we a’ile heqqdiki yazmilirimda teshebbuslar bar déyilse, belkim mundaqraq oylighandimen. Ayallar we balilarning her yerde asrilishi, üstün körülishi, ayilishi we herzaman qoghdashqa chaqirilishi bügünki dunyada ortaq insaniy exlaq. Ayallarning boysunishi, erning xizmitini qilishi, a’ilidiki ishlarni bejanidil orunlishini ayalliq exlaqi dep qarap erlerdin mushu exlaqlargha mas bedelni telep qilmasliq, ortaq mesuliyetni tekitlimeslik adaletiszliktur. Meyli qiz-oghulluq, ata-baliliq, er-xotunluq yaki bashqa ijtima’iy munasiwetlerde bolsun barawerlik, hörmet, ishench we erkinlikning muressesiz himaye qilinishi hemme milletke ortaq exlaq mizani. Uyghur a’ililiridiki shertsiz barawerlik, hörmet we ishench emelge ashmay turup eqelliy insaniy pezilet we rohtiki perzentlerni terbiyiligili bolmaydu.
Beziler yazmilirimgha qarap méni milletchimikin dep qaptu. Undaqlar milletchilikning némiliki heqqide oylinip baqqan bolushi natayin. Men öz millitining hemme nersisini bashqilardin üstün köridighan, öz medeniyitini zamaniwiy medeniyet dep xeqqe tangidighan, bashqa milletlerning barawerlik hoquqini tartiwélip öz millitige xizmet qilduridighan milletchilikke qarshi. Bundaq qilmishning xelqaradiki sherhisi fashistliq, bu bir jinayet. Bu mesilige qizghin oqurmenlerning exmetjan qasimining ”xelqim azatliqqa chiqishtin burun milletchimen. Azatliq emelge ashqandin kéyin milletchi emesmen“ dégen gépini oylinip béqishni iltimas qilimen. Men fashistliqqa qarshi medeniyetler himayichisi. Medeniyetler diyalogi we köpxililiqining teshebbuschisi.
Men dinimizgha uyghun millet söygüsini yashighuchi. Shunga dinigha jan dili bilen ashiq uyghurni söyüshni dawam qilimen. Dinimizda zakatni eng yéqinlirimizdin bashlap bérimiz, yaxshiliq yéqinlirimizdin bashlinidu, qérindashlar arisidiki sili-rehimning késilishi haram qilinghan. Men uyghurning ichide yashaymen, allah mendin a’ilemge, qérindashlirimgha we qoshnamgha néme qilip bergenlikim heqqide hisap alidu dep ishinimen. Men baralmaydighan yiraq ellerdiki mezlum kishiler üchün amalsizmen. Chünki allah bizni qurbitimiz yetmeydighan ishlargha buyrimighan. Biz musu eqidilerge egeshken kishiler bolghach uyghurni söyimiz. Peyghembirimiz mekkige qarap köz yéshi qilghan bolsa bizmu wetenning teqdiridige yash tökimiz. Weten mülüktur, dinimizda mülük dexlisiz, özining ata miras mülkini söyüsh, qoghudiyalmisimu söygüsini ipadilesh milletchilik bolmaydu, musulmanliq bolidu.
Beziler eserlirimdiki millet söygüsini we weten muhebbitini jahilliq we jahaletke teqqaslap oylighan bolushi mumkin. Shübhisizki, insanning melum yurt we melum milletni söyishi jahilliq emes, belki allah buyrighan mihriwanliq. Rebbimiz hemmimizni ashundaq her xil millettin qilip we her qaysi rayunlargha yaratti, berheqki shu makan we qewm ichide némilerni qilghanliqimizdin hisap alidu. Biz bir qewimlikning belgisi bolghan konkirit bir tilda -uyghurche sözlishimiz we bir birimizge imanni, namazni, heqni we sebirni tewsiye qilimiz. Allahning bizni uyghur qilip yaritishi medhiye we shükürlerge layiq nimetki uni inkar qilishimiz süre errahmanda tekrarlinidighan ”febeye’i ela rebbikuma tokezziban“ (siler perwerdigaringlarning nimetlirining qaysi birini inkar qilisiler) dégen ayetning rohigha xilaptur. Dinimizda sili rehimni üzüp qoyush haram qilinghan. Buyerdiki sili rehimni üzüp qoyushni salih alimlar qé’érindashliqni üzüp qoyush dep chüshendüridu. Allah qan qérindashliqni üzüp qoymasliqni buyriwatsa biz némishqa qérindashliqni, qérindashliqning kéngeygen haliti bolghan uyghurluqimizni inkar qilimiz!
Bezi oqurmenlirim yazmilirimda amérika maxtiliwatidu dep chüshengen oxshaydu. Emeliyette men amérikini emes uyghurni yazdim. Men amérikini maxtimidim amérikining pütünley qarishisidiki mejruh mohitta yashapmu qilchilik boshashmay tirishiwatqan uyghurni maxtidim. Hör jemiyettiki keskin riqabette jushqun we utqun yashawatqanlarni yazdim. Démokratiyedin mustesna yashawatqanlar bilen hör jemiyet kishilirining riyalliqi heqqide oylighanlirimni yazdim. Men mustebitlikke öch. Shunga eserlirimde oqurmenge iddiye téngishtin saqlinay dédim. Bu mewqesizlikke kirmeydu. Men mewqeyimni oqurmenge tangghangha öch.
Bir oqurmenim ”men yazmilardin özümning qandaq yashawatqanliqi, nede yashawatqanliqim, néme üchün, néme künde qéliwatqanliqimni bilgendek qildim“ dégeniken, oqup söyinip qaldim. Beziler ”abduweli mu’ellimning eserlirini oqup burun yazghuchilarning qelimidiki eyiplirimizning millitimning eyipimu yaki tüzümning eyipimu dégenni ayriwaldim. Yurtta his qilinghan nuqsanlirimizning mohit hemmimizge tangghan noqsanmu yaki uyghurgha xas nuqsanmu, dégenni chüshiniwaldim. Bextsizlikim özümning bextsizlikimu yaki idologiye tangghan bextsizlikmu dégenlerni his qildim» dep yéziptu.
Men yazmilirimda amérikini maxtidim emes insanning meniwiy qimmetliri we eqliy pirinsiplar üstige qurulghan tüzümni mu’eyyenleshtürdüm. Men amérikiliqlarni emes shu elde hörlükning temini tétip yashawatqanlarning néme üchün biz tenqidliniwatqan eyiplerdin xaliliqini yazdim. Tarixta we riyalliqta amérika hökümetliri sadir qilghan tajawuzchiliqni, urushxumarliqni, pulpezlikni, dunyawiy kontrolluqni yazmidim, buni yazsam uyghur hikmet we ibret alghidek hich bir bilim ilminti yoq.
Özgirish marshi programmisi bügün ayaqlashti. Tirishchan ghaliplarni, özgergen qedirdanlarni, utuq yolidiki chidamchanlarni yürektin tebrikleymen. Kéyinki özgirish marshida körüshkiche aman bolunglar.

Qoshumche:
Yazmilirimni kitab qilip chiqirishqa waqtim yetmidi. Hem bundin kéyinmu waqtim yétishi natayin. Eger mushu sodini qilay dégenler bolsa qarshi alimen. Shertim kirgen kérimning apturgha tewe qismi ata-aniliri ölüp ketken, ajriship ketken yaki turmilerge kirip ketken a’ililerge hediye qilinishi arzuyumdur. Eger buni qolaysiz his qilsa, ghuljidiki nurtay hajim yétimler mektipige i’ane qilsa bolidu. Men kitablarni döletning qanunigha uyghun, hazirqi siyasetlerge munasip, rayunimiz ehwaligha layiq qilip özgertip bérishke mesul.

ھىسلار، پىكىرلەر ۋە سوئاللار
ئابدۇۋەلى ئايۇپ

”ئامېرىكىدىكى مۇساپىر تۇيغۇلار“ ۋە ”ئۇيغۇرلۇق مۇساپەمدىكى ئامېرىكا“ ناملىق كىتابلىرىمغا ئىلاۋە
ئامېرىكىدىكى مۇساپىرلىق ھاياتىمنىڭ يادنامىلىرى بولغان ئەدەبىي خاتىرەمنى ئاساسەن ئېلان قىلىپ بولدۇم. يازغانلىرىمنىڭ ھەممىسى دېگۈدەك باشتىن كەچۈرگەنلىرىم، ئوقۇغانلىرىم، تېلۋىزورلاردىن كۆرگەن ۋە تونۇش بىلىشلەردىن ئاڭلىغانلىرىمدىن ئېلىنغان. پەقەت ”تەپەككۇر تۇتقۇنلىرى ۋە بىز“ دېيىلگەن يازمىلا خىياللىرىمدىن توقۇلغان. ئىپادىلىمەكچى بولغىنىم قەشقەرنىڭ جاھان كۆزىدىكى سېھىرى، غېرىپلىقى، چارەسىزلىكى ۋە مەھكۇملىقى ئېدى. ئۇيغۇر مەدەنىيىتىنىڭ بۆشۈكى دەپ تەرىپلىنىدىغان بۇ شەھەرنىڭ ئىستەك ۋە غايىلىرى قايرىپ بۆلەنگەن، پۇت قوللىرى تېڭىلغان ھالەتتىكى ناتىۋانلىقى، ھالسىزلىقى ۋە سۈلكىتىنى سۈرەتلەپ باقاي دېگەنىدىم. ژانىرنى ئېنىق ئەسكەرتمىگىنىم، ئوقۇرمەنلىرىمنىڭ زوقلىنىش ئادىتى ۋە نازۇك غۇرۇرىنى يېتەرلىك نەزەرگە ئالمىغىنىم ئۈچۈن يازما سەل خاتا چۈشىنىلدى.
بۇندىن باشقا ئۇيغۇر خانىم قىزلىرىنىڭ باشقا مىللەت كىشىلىرى بىلەن تويلىشىشى ھەققىدە يېزىلغان يازمىمۇ نېرىۋىلارنى بىئارام قىلغان بولدى. مەن پەقەت ئۆزۈم شاھىد بولغان رىياللىقىنى يازدىم، تەسۋىرلەش تەشۋىق قىلىش ئەمەس. ئەگەر يازما تەرغىباتتەك، تەشۋىق قىلىنىۋاتقاندەك مەنىدە چۈشىنىلگەن بولسا، كەچۈرۈڭلار خاتا چۈشەنچە بېرىپ قويۇپتىمەن.  بەلكىم خاتا چۈشىنىلىپ قالغان بولىشىمۇ مۇمكىن. تەشەببۇسۇمغا كەلسەم ئۇيغۇر ئەرلىرى ئۇنۇتمايلىكى، خانىم قىزلىرىمىزنى باراۋەر كۆرمەي تۇرۇپ باراۋەرلىك تەلەپ قىلالايدىغان ئەۋلاد يېتىشتۈرەلمەيمىز. ئۇلارنى قەدىرلىمەي تۇرۇپ، قەدىر قىممەت شەرتسىز قوغدىلىدىغان ئائىلىۋىي موھىت بەرپا قىلالمايمىز.
مېنىڭ ئۇيغۇر ۋە ئامېرىكادىكى ئائىلە قاراشلىرىنى سېلىشتۇرۇپ يازغان ئايال، پەرزەنت ۋە ئائىلە ھەققدىكى يازمىلىرىمدا تەشەببۇسلار بار دېيىلسە، بەلكىم مۇنداقراق ئويلىغاندىمەن. ئاياللار ۋە بالىلارنىڭ ھەر يەردە ئاسرىلىشى، ئۈستۈن كۆرۈلىشى، ئايىلىشى ۋە ھەرزامان قوغداشقا چاقىرىلىشى بۈگۈنكى دۇنيادا ئورتاق ئىنسانىي ئەخلاق. ئاياللارنىڭ بويسۇنىشى، ئەرنىڭ خىزمىتىنى قىلىشى، ئائىلىدىكى ئىشلارنى بەجانىدىل ئورۇنلىشىنى ئاياللىق ئەخلاقى دەپ قاراپ ئەرلەردىن مۇشۇ ئەخلاقلارغا ماس بەدەلنى تەلەپ قىلماسلىق، ئورتاق مەسئۇلىيەتنى تەكىتلىمەسلىك ئادالەتىسزلىكتۇر. مەيلى قىز-ئوغۇللۇق، ئاتا-بالىلىق، ئەر-خوتۇنلۇق ياكى باشقا ئىجتىمائىي مۇناسىۋەتلەردە بولسۇن باراۋەرلىك، ھۆرمەت، ئىشەنچ ۋە ئەركىنلىكنىڭ مۇرەسسەسىز ھىمايە قىلىنىشى ھەممە مىللەتكە ئورتاق ئەخلاق مىزانى. ئۇيغۇر ئائىلىلىرىدىكى شەرتسىز باراۋەرلىك، ھۆرمەت ۋە ئىشەنچ ئەمەلگە ئاشماي تۇرۇپ ئەقەللىي ئىنسانىي پەزىلەت ۋە روھتىكى پەرزەنتلەرنى تەربىيىلىگىلى بولمايدۇ.
بەزىلەر يازمىلىرىمغا قاراپ مېنى مىللەتچىمىكىن دەپ قاپتۇ. ئۇنداقلار مىللەتچىلىكنىڭ نېمىلىكى ھەققىدە ئويلىنىپ باققان بولۇشى ناتايىن. مەن ئۆز مىللىتىنىڭ ھەممە نەرسىسىنى باشقىلاردىن ئۈستۈن كۆرىدىغان، ئۆز مەدەنىيىتىنى زامانىۋىي مەدەنىيەت دەپ خەققە تاڭىدىغان، باشقا مىللەتلەرنىڭ باراۋەرلىك ھوقۇقىنى تارتىۋېلىپ ئۆز مىللىتىگە خىزمەت قىلدۇرىدىغان مىللەتچىلىككە قارشى. بۇنداق قىلمىشنىڭ خەلقئارادىكى شەرھىسى فاشىستلىق، بۇ بىر جىنايەت. بۇ مەسىلىگە قىزغىن ئوقۇرمەنلەرنىڭ ئەخمەتجان قاسىمىنىڭ ”خەلقىم ئازاتلىققا چىقىشتىن بۇرۇن مىللەتچىمەن. ئازاتلىق ئەمەلگە ئاشقاندىن كېيىن مىللەتچى ئەمەسمەن“ دېگەن گېپىنى ئويلىنىپ بېقىشنى ئىلتىماس قىلىمەن. مەن فاشىستلىققا قارشى مەدەنىيەتلەر ھىمايىچىسى. مەدەنىيەتلەر دىيالوگى ۋە كۆپخىلىلىقىنىڭ تەشەببۇسچىسى.
مەن دىنىمىزغا ئۇيغۇن مىللەت سۆيگۈسىنى ياشىغۇچى. شۇڭا دىنىغا جان دىلى بىلەن ئاشىق ئۇيغۇرنى سۆيۈشنى داۋام قىلىمەن. دىنىمىزدا زاكاتنى ئەڭ يېقىنلىرىمىزدىن باشلاپ بېرىمىز، ياخشىلىق يېقىنلىرىمىزدىن باشلىنىدۇ، قېرىنداشلار ئارىسىدىكى سىلى-رەھىمنىڭ كېسىلىشى ھارام قىلىنغان. مەن ئۇيغۇرنىڭ ئىچىدە ياشايمەن، ئاللاھ مەندىن ئائىلەمگە، قېرىنداشلىرىمغا ۋە قوشنامغا نېمە قىلىپ بەرگەنلىكىم ھەققىدە ھىساپ ئالىدۇ دەپ ئىشىنىمەن. مەن بارالمايدىغان يىراق ئەللەردىكى مەزلۇم كىشىلەر ئۈچۈن ئامالسىزمەن. چۈنكى ئاللاھ بىزنى قۇربىتىمىز يەتمەيدىغان ئىشلارغا بۇيرىمىغان. بىز مۇسۇ ئەقىدىلەرگە ئەگەشكەن كىشىلەر بولغاچ ئۇيغۇرنى سۆيىمىز. پەيغەمبىرىمىز مەككىگە قاراپ كۆز يېشى قىلغان بولسا بىزمۇ ۋەتەننىڭ تەقدىرىدىگە ياش تۆكىمىز. ۋەتەن مۈلۈكتۇر، دىنىمىزدا مۈلۈك دەخلىسىز، ئۆزىنىڭ ئاتا مىراس مۈلكىنى سۆيۈش، قوغۇدىيالمىسىمۇ سۆيگۈسىنى ئىپادىلەش مىللەتچىلىك بولمايدۇ، مۇسۇلمانلىق بولىدۇ.
بەزىلەر ئەسەرلىرىمدىكى مىللەت سۆيگۈسىنى ۋە ۋەتەن مۇھەببىتىنى جاھىللىق ۋە جاھالەتكە تەققاسلاپ ئويلىغان بولۇشى مۇمكىن. شۈبھىسىزكى، ئىنساننىڭ مەلۇم يۇرت ۋە مەلۇم مىللەتنى سۆيىشى جاھىللىق ئەمەس، بەلكى ئاللاھ بۇيرىغان مىھرىۋانلىق. رەببىمىز ھەممىمىزنى ئاشۇنداق ھەر خىل مىللەتتىن قىلىپ ۋە ھەر قايسى رايۇنلارغا ياراتتى، بەرھەقكى شۇ ماكان ۋە قەۋم ئىچىدە نېمىلەرنى قىلغانلىقىمىزدىن ھىساپ ئالىدۇ. بىز بىر قەۋىملىكنىڭ بەلگىسى بولغان كونكىرىت بىر تىلدا -ئۇيغۇرچە سۆزلىشىمىز ۋە بىر بىرىمىزگە ئىماننى، نامازنى، ھەقنى ۋە سەبىرنى تەۋسىيە قىلىمىز. ئاللاھنىڭ بىزنى ئۇيغۇر قىلىپ يارىتىشى مەدھىيە ۋە شۈكۈرلەرگە لايىق نىمەتكى ئۇنى ئىنكار قىلىشىمىز سۈرە ئەرراھماندا تەكرارلىنىدىغان ”فەبەيەئى ئەلا رەببىكۇما توكەززىبان“ (سىلەر پەرۋەردىگارىڭلارنىڭ نىمەتلىرىنىڭ قايسى بىرىنى ئىنكار قىلىسىلەر) دېگەن ئايەتنىڭ روھىغا خىلاپتۇر. دىنىمىزدا سىلى رەھىمنى ئۈزۈپ قويۇش ھارام قىلىنغان. بۇيەردىكى سىلى رەھىمنى ئۈزۈپ قويۇشنى سالىھ ئالىملار قېېرىنداشلىقنى ئۈزۈپ قويۇش دەپ چۈشەندۈرىدۇ. ئاللاھ قان قېرىنداشلىقنى ئۈزۈپ قويماسلىقنى بۇيرىۋاتسا بىز نېمىشقا قېرىنداشلىقنى، قېرىنداشلىقنىڭ كېڭەيگەن ھالىتى بولغان ئۇيغۇرلۇقىمىزنى ئىنكار قىلىمىز!
بەزى ئوقۇرمەنلىرىم يازمىلىرىمدا ئامېرىكا ماختىلىۋاتىدۇ دەپ چۈشەنگەن ئوخشايدۇ. ئەمەلىيەتتە مەن ئامېرىكىنى ئەمەس ئۇيغۇرنى يازدىم. مەن ئامېرىكىنى ماختىمىدىم ئامېرىكىنىڭ پۈتۈنلەي قارىشىسىدىكى مەجرۇھ موھىتتا ياشاپمۇ قىلچىلىك بوشاشماي تىرىشىۋاتقان ئۇيغۇرنى ماختىدىم. ھۆر جەمئىيەتتىكى كەسكىن رىقابەتتە جۇشقۇن ۋە ئۇتقۇن ياشاۋاتقانلارنى يازدىم. دېموكراتىيەدىن مۇستەسنا ياشاۋاتقانلار بىلەن ھۆر جەمئىيەت كىشىلىرىنىڭ رىياللىقى ھەققىدە ئويلىغانلىرىمنى يازدىم. مەن  مۇستەبىتلىككە ئۆچ. شۇڭا ئەسەرلىرىمدە ئوقۇرمەنگە ئىددىيە تېڭىشتىن ساقلىناي دېدىم. بۇ مەۋقەسىزلىككە كىرمەيدۇ. مەن مەۋقەيىمنى ئوقۇرمەنگە تاڭغانغا ئۆچ.
بىر ئوقۇرمەنىم ”مەن يازمىلاردىن ئۆزۈمنىڭ قانداق ياشاۋاتقانلىقى، نەدە ياشاۋاتقانلىقىم، نېمە ئۈچۈن، نېمە كۈندە قېلىۋاتقانلىقىمنى بىلگەندەك قىلدىم“ دېگەنىكەن، ئوقۇپ سۆيىنىپ قالدىم. بەزىلەر ”ئابدۇۋەلى مۇئەللىمنىڭ ئەسەرلىرىنى ئوقۇپ بۇرۇن يازغۇچىلارنىڭ قەلىمىدىكى ئەيىپلىرىمىزنىڭ مىللىتىمنىڭ ئەيىپىمۇ ياكى تۈزۈمنىڭ ئەيىپىمۇ دېگەننى ئايرىۋالدىم. يۇرتتا ھىس قىلىنغان نۇقسانلىرىمىزنىڭ موھىت ھەممىمىزگە تاڭغان نوقسانمۇ ياكى ئۇيغۇرغا خاس نۇقسانمۇ، دېگەننى چۈشىنىۋالدىم. بەختسىزلىكىم ئۆزۈمنىڭ بەختسىزلىكىمۇ ياكى ئىدولوگىيە تاڭغان بەختسىزلىكمۇ دېگەنلەرنى ھىس قىلدىم» دەپ يېزىپتۇ.
مەن يازمىلىرىمدا ئامېرىكىنى ماختـىدىم ئەمەس ئىنساننىڭ مەنىۋىي قىممەتلىرى ۋە ئەقلىي پىرىنسىپلار ئۈستىگە قۇرۇلغان تۈزۈمنى مۇئەييەنلەشتۈردۈم. مەن ئامېرىكىلىقلارنى ئەمەس شۇ ئەلدە ھۆرلۈكنىڭ تەمىنى تېتىپ ياشاۋاتقانلارنىڭ نېمە ئۈچۈن بىز تەنقىدلىنىۋاتقان ئەيىپلەردىن خالىلىقىنى يازدىم. تارىختا ۋە رىياللىقتا ئامېرىكا ھۆكۈمەتلىرى سادىر قىلغان تاجاۋۇزچىلىقنى، ئۇرۇشخۇمارلىقنى، پۇلپەزلىكنى، دۇنياۋىي كونتروللۇقنى يازمىدىم، بۇنى يازسام ئۇيغۇر ھىكمەت ۋە ئىبرەت ئالغىدەك ھىچ بىر بىلىم ئىلمىنتى يوق.
ئۆزگىرىش مارشى پروگراممىسى بۈگۈن ئاياقلاشتى. تىرىشچان غالىپلارنى، ئۆزگەرگەن قەدىردانلارنى، ئۇتۇق يولىدىكى چىدامچانلارنى يۈرەكتىن تەبرىكلەيمەن. كېيىنكى ئۆزگىرىش مارشىدا كۆرۈشكىچە ئامان بولۇڭلار.

قوشۇمچە:
يازمىلىرىمنى كىتاب قىلىپ چىقىرىشقا ۋاقتىم يەتمىدى. ھەم بۇندىن كېيىنمۇ ۋاقتىم يېتىشى ناتايىن. ئەگەر مۇشۇ سودىنى قىلاي دېگەنلەر بولسا قارشى ئالىمەن. شەرتىم كىرگەن كېرىمنىڭ ئاپتۇرغا تەۋە قىسمى ئاتا-ئانىلىرى ئۆلۈپ كەتكەن، ئاجرىشىپ كەتكەن ياكى تۇرمىلەرگە كىرىپ كەتكەن ئائىلىلەرگە ھەدىيە قىلىنىشى ئارزۇيۇمدۇر. ئەگەر بۇنى قولايسىز ھىس قىلسا، غۇلجىدىكى نۇرتاي ھاجىم يېتىملەر مەكتىپىگە ئىئانە قىلسا بولىدۇ. مەن كىتابلارنى دۆلەتنىڭ قانۇنىغا ئۇيغۇن، ھازىرقى سىياسەتلەرگە مۇناسىپ، رايۇنىمىز ئەھۋالىغا لايىق قىلىپ ئۆزگەرتىپ بېرىشكە مەسئۇل.

جاۋاب يېزىش