Deprecated: Function create_function() is deprecated in /customers/6/1/7/uyghur.kim/httpd.www/wp-includes/pomo/translations.php on line 208 Amérikida bozeklik eslimisi » Azat Uyghur Munbiri

TARIHI EMINIYE – HISTORY OF PEACE
HUNLARNING QISQICHE TARIHI
SHERQIY TURKISTAN TARIHI
QESHQERNING YEQINQI WE HAZIRQI ZAMAN MAARIP TARIXI
Tengri qamchisi Atilla
1933-1937 - yilliridiki weqeler
1944 - yilidiki weqeler
Ottura Asiya Tarixi Tézisliri
Seidiye xanliqi heqqide qisqiche bayan
Sopaxun Sawurof Heqqide Stalingha yollanghan xet
Sun jungsen we Ilixan Töre
Uyghurlarning Mongghul impiriyiside oynighan roli.
Uyghurlar Sherqte we Gherbte
Qedinqi Merkizi Asiya
Uyghur Kilassik Edebiyat Tarixi
Uyghur Maarip Tarixi
Tarixtin Qisqiche Bayanlar
Hoten Qozghulingi Heqqide
Uyghurlar - Turghun Almas
«Tarixiy reshidiy» heqqide
Ili sultani obul elaning chet eldiki tutqunluq hayatigha da'ir muhim üch höjjet
Qaraxanilar we Idiqut xanliqi heqqide
9 - 12 - Esirlerdiki Uyghur Döletliri
8-10- Esirlerdiki Gherbiy Yurt heqqide tetqiqat
Qedimqi Merkizi Asiya
Jenubiy Shinjyang Uyghur xiristiyan uyushmisi
Kazaklar Aqsuda
Alte Sheher Mektupliri
Yerken xanliqi tarixidin omumiy bayan
Ürümchi Söhbitidin kéyin
Seidiye xanliqigha dair matériyallar
Qaraxanilarning Dölet Teshkilati
Orxun Uyghur xanliqining qisqiche Tarixi
Farabi we uning Pelsepe sistémisi
Choqan welixanow we Uyghurlar heqqide
Uyghur kilassik Edebiyat tarixi
Xoten qozghilingi Heqqide
Millitars Shing dewridiki eslime
Bughraxanlar tezkirisi
1933 - 1937 - yilliridiki weqeler
6 - déwiziye
1944 - yilidiki paaliyet
Shinjyang Tarix Matériyalliri 1- 50
Uyghurlarning shekillinish jeryani
Balasaghunning Orni
Milliy Armiyining qisim qurulmisi
Orxundin Jewherler 1 - 2
Altay neshriyati
  • 1
  • 2
  • 3
  • 4
  • 5
  • 6

!Barliqimiz Bedel Bolsun Weten Üchün

.Sehipimizdiki Barliq Eserler Heqsiz. Xalighanche Chüshürüp Paydilansingiz Bolidu

Amérikida bozeklik eslimisi

Abduweli ayup

”Uyghurluq musapemdiki amérika“ning dawami
Amérikining xapiliqimu yetküche bar. Xapiliqlarni xalap tartidighini qanunsiz ishleydighanlar, ijazetsiz köchmenler we wizisiz musapirlardur. Xapiliqtin nep alidighini bolsa ularning tildash, dindash yaki wetendash xojayinliri. Ayalim ishlesh telepide shu qeder qattiq turdiki ramazandiki harghinliqqa, tomuz ayliridiki démiqqimu qarimay zamaniwiy dunyada özining eneniwiy izlirini mehellimizdiki ish bosughilirida qaldurup ketti. Uninggha awwal ish izdeydighan torbetlerge tizimlitish, terjimhal, tejribilerni tonushturup sebrichanliq bilen saqlash heqqidiki tewsiyelirim kar qilmidi, chünki xewer we jawaplar tolimu asta idi. Ishqa alghuchilar köpinche tejribliklerni alatti. Uning üstige ayalimning ish ijaziti bolmighachqa qanunluq ish tépishmu ters chüshetti.
Axiri ishmu chiqqan boldi. Bir xen ashxanisi üch kün sinaqta ishlitish sherti bilen mulazimliqqa aldi. Ayalim birer hepte chidap ishligendin kéyin pushman qilishqa bashlidi. Chünki xojayin ashxanigha tapan heqqi béreligüdek baylar kirgen haman özi mulazimetchilikke ötüwalidiken. Tamaqni élip kétidighan, turiqidin tapan köp heqqige chidimaydighanliqi chiqip turghan jongguluq oqughuchilar kirgen haman ayalimni aldigha chiqirip qoyidiken.
Bir küni ayalim nahayiti sulghun qaytiptu. Sewebi ishtin qaldirulghan iken. Üch kün sinaq ishligen chaghdiki heqqinimu bermeptu. (Esli amérika qanuni boyiche bérishi kérek). Bashqa xensu tonushlirimdin sürüshtürishimche adette xensu ashxaniliri qanunsiz ishligen jongguluq oqughuchilarni ashundaq bozek qilip könüp qalghaniken. Xojayinlar xensularnila bozek qildiken. Ishleydighan xensu oqughuchilar adette xensulardin bashqilargha bozek bolmaydiken. Uyghurni ”sésitip“ hozurlinidighan, uyghurning nacharliqigha misal tépiwalsa enggüshter tépiwalghandek aghzi quliqigha yétidighan, gézit jornallarda sazayi qilishidighan kishiler da’im ichkiridiki uyghurlarning uyghurni bozek qilidighanliqini pakit qilishatti. Shu arqiliq ”zadi uyghur eski, hemme gunah özimizde, hemmige özimiz sewebchi“ dégendek, zamangha mas bixeter chüshendürüshlirige asas tapqandek bolushatti. Qarisam amérikida xensuni xensu bozek qilidiken. Adette bir kishi öz ana medniyitidin ayrilip yat mohitqa kelgende mohit, adet, qanun qatarliqlargha natonush bolghachqa köp xatalishidu. Alaqilerde, xizmette we turmushta özige ishinip bolalmaydu. Yat medeniyet ichide yétimsirap zérikidu, ghéripsinidu. Mushundaq sewebler bilen özi bilen tildash, dindash we wetendash kishilerning yénigha sighinidu. Bu bezi saxtipezlerning qara yüreklerche mikir ishlitishlirige purset yaritip béridu, de bozek qilinidu. Ayalimning bozek bolushi eslidinla qanunsiz ishleshke urunghanliqi, amérika jemiyitini chüshenmesliki sewep bolghan. Özimizning tilimiz tutuq bolghachqa bu heqte hich kishige tinalmiduq. Démek, her qandaq eldiki köchmenlerning bir birigila melum mexpiy ajizliqliri we tarixi bar. Ular bir birige mushundaq qusurliri seweblik aldinidu. Mushundaq ajizliqliri seweblik qérindashliridin külpet tartidu.
Ayalimning ikkinji qétim ishligini bir pelestinlikning ashxana we talla bazar birleshtürülgen dukkini boldi. Bu yerde üch aygha yéqin chishini chishlep turup béqip axiri yighlap yénip chiqti. Sewebini xulasilep baqsam bashqurushtiki qopalliq, barawersizlik, ishenchsizlik iken. Xojayin intayin qopal bolup ayalimdin sehwenlik ötken haman warqirap kétidiken. Bir minutta tüzetkili bolidighan xataliq üchün yérim sa’et warqirap tenbihligendin kéyin achchiqi bésiqip boldi qilidiken. Xojayinning inisimu dukkanda bille ishleydighan bolup ishqa kéchikip kélip burun kétidiken. Özining ishini tügitip bolalmisa bashqilargha qaldurup rawan bolidiken. Akisi inisining qilghanlirini körmeske salidiken. Xojayin inisi yoq chaghda dukkangha ornitip qoyghan kamira bilen boluwatqan ishlarni öyde körüp, nazaret qilip turidiken.
Ayalim shuninggha chidimay pelestinliktin éliwatqan xéli yuquri mu’ashni tashlap shehrimizdin ikki sa’etke yéqin yiraqliqtiki bir ermenning qolida ishlidi. Mu’ash eslidikisining yérimigha toghra kéletti. Emma ermen qiz ayalimgha muhemmedining qolida érishelmigen barawerlik, ishench we hörmetni ata qildi. Ermen xojayin hetta qizimning tughulghan künide ularni kanzas shehrige élip bérip oynitip keldi. Ayalimning ermen qiz bilen her küni ishqa xoshal kétip memnuniyet bilen qaytiwatqan halitige qarap ”adem pulghila ishlimeydiken“ dep qalghanidim.
Bozeklik hadisisi hemme elde mewjud bolup herqandaq zamanda körülishi mumkin. Adette wetende bir uyghur bozek qilinghanliqi bilingen haman bozek qilghuchining millitini soraydighan adet bar iken. Emeliyette bir uyghurning yene bir uyghurning qolida buzek qilinishi uyghurlarning ésil yene bir milletning yarimas bolushi bilen peqet munasiwetsiz. Uyghurning uyghurdin tayaq yiyishi millitimizning rehimsizliki, ittipaqsizliqi sewebidin emes belki tayaqlighuchi organ yaki shexs tayaqlash arqiliq érishidighan nepning qiziqturishi, tayaqlash arqiliq érishilidighan kapaletning éziqturishi we tayaqchiliqning shertsiz qoghdilishi bilen munasiwetlik. Eger jemiyetning tüzümi erkin, saghlam, adil, ashkare bolup démokratik pirinsiplargha uyghun bolsa tayaqlighuchi-bozek qighuchi nacharliqida ezweyliyelmeydu. Bözek qilinghuchining shikayet, eriz we naraziliqlari da’im ijabiy netijilense kishiler gheyretlinip bozeklikke yol qoymaydighan peziletke érishidu. Buning eksiche bolghan jemiyette bozeklik izchilliship, enene shekillendüridu. Bozek bolushtin qorqush kishilerning mewjudliqini dawamlashturushning bixeter yoligha aylinip qalidu. Hakimiyet bilen kishiler otturisidiki munasiwet ézish we ézilish, bashqurush we bashqurulush, basturush we basturulush munasiwitige aylinip qalghan jemiyette yeklengenler özidiki atalmish yarimasliq, horunluq, bilimsizlik, illetlik we qalaqliqini riyalliqtiki utuqsizliqigha, ümidsizlikige we biqowul halitige seweb qilip chüshendürüp shu bozek halitige shükri qilishni teshebbus qilidu. Ular bozeklikining dawamlishishini, tinch bozeklik ichide yashashni, süküt ichidin siqilishni tiriklikning mexpiy ritsipliridin dep tonusa kérek.

Özgerseng deymen. Men söyüp yazghanlirimni hayattin mene izdigen, yaman adetlerge, xata pozitsiyege, natoghra tepekkurgha qul bolushni ret qilghan, muweppeqiyettin waz kechmeydighan barliq qedirdanlirimgha söyünüp hediye qilimen. Közliginim ortaq xushalliq, küyliginim özgirish marshi, ümid marshidur.

 

ئامېرىكىدا بوزەكلىك ئەسلىمىسى

ئابدۇۋەلى ئايۇپ

”ئۇيغۇرلۇق مۇساپەمدىكى ئامېرىكا“نىڭ داۋامى

ئامېرىكىنىڭ خاپىلىقىمۇ يەتكۈچە بار. خاپىلىقلارنى خالاپ تارتىدىغىنى قانۇنسىز ئىشلەيدىغانلار، ئىجازەتسىز كۆچمەنلەر ۋە ۋىزىسىز مۇساپىرلاردۇر. خاپىلىقتىن نەپ ئالىدىغىنى بولسا ئۇلارنىڭ تىلداش، دىنداش ياكى ۋەتەنداش خوجايىنلىرى. ئايالىم ئىشلەش تەلەپىدە شۇ قەدەر قاتتىق تۇردىكى رامازاندىكى ھارغىنلىققا، تومۇز ئايلىرىدىكى دېمىققىمۇ قارىماي زامانىۋىي دۇنيادا ئۆزىنىڭ ئەنئەنىۋىي ئىزلىرىنى مەھەللىمىزدىكى ئىش بوسۇغىلىرىدا قالدۇرۇپ كەتتى. ئۇنىڭغا ئاۋۋال ئىش ئىزدەيدىغان توربەتلەرگە تىزىملىتىش، تەرجىمھال، تەجرىبىلەرنى تونۇشتۇرۇپ سەبرىچانلىق بىلەن ساقلاش ھەققىدىكى تەۋسىيەلىرىم كار قىلمىدى، چۈنكى خەۋەر ۋە جاۋاپلار تولىمۇ ئاستا ئىدى. ئىشقا ئالغۇچىلار كۆپىنچە تەجرىبلىكلەرنى ئالاتتى. ئۇنىڭ ئۈستىگە ئايالىمنىڭ ئىش ئىجازىتى بولمىغاچقا قانۇنلۇق ئىش تېپىشمۇ تەرس چۈشەتتى.
ئاخىرى ئىشمۇ چىققان بولدى. بىر خەن ئاشخانىسى ئۈچ كۈن سىناقتا ئىشلىتىش شەرتى بىلەن مۇلازىملىققا ئالدى. ئايالىم بىرەر ھەپتە چىداپ ئىشلىگەندىن كېيىن پۇشمان قىلىشقا باشلىدى. چۈنكى خوجايىن ئاشخانىغا تاپان ھەققى بېرەلىگۈدەك بايلار كىرگەن ھامان ئۆزى مۇلازىمەتچىلىككە ئۆتۈۋالىدىكەن. تاماقنى ئېلىپ كېتىدىغان، تۇرىقىدىن تاپان كۆپ ھەققىگە چىدىمايدىغانلىقى چىقىپ تۇرغان جوڭگۇلۇق ئوقۇغۇچىلار كىرگەن ھامان ئايالىمنى ئالدىغا چىقىرىپ قويىدىكەن.
بىر كۈنى ئايالىم ناھايىتى سۇلغۇن قايتىپتۇ. سەۋەبى ئىشتىن قالدىرۇلغان ئىكەن. ئۈچ كۈن سىناق ئىشلىگەن چاغدىكى ھەققىنىمۇ بەرمەپتۇ. (ئەسلى ئامېرىكا قانۇنى بويىچە بېرىشى كېرەك). باشقا خەنسۇ تونۇشلىرىمدىن سۈرۈشتۈرىشىمچە ئادەتتە خەنسۇ ئاشخانىلىرى قانۇنسىز ئىشلىگەن جوڭگۇلۇق ئوقۇغۇچىلارنى ئاشۇنداق بوزەك قىلىپ كۆنۈپ قالغانىكەن. خوجايىنلار خەنسۇلارنىلا بوزەك قىلدىكەن. ئىشلەيدىغان خەنسۇ ئوقۇغۇچىلار ئادەتتە خەنسۇلاردىن باشقىلارغا بوزەك بولمايدىكەن. ئۇيغۇرنى ”سېسىتىپ“ ھوزۇرلىنىدىغان، ئۇيغۇرنىڭ ناچارلىقىغا مىسال تېپىۋالسا ئەڭگۈشتەر تېپىۋالغاندەك ئاغزى قۇلىقىغا يېتىدىغان، گېزىت ژورناللاردا سازايى قىلىشىدىغان كىشىلەر دائىم ئىچكىرىدىكى ئۇيغۇرلارنىڭ ئۇيغۇرنى بوزەك قىلىدىغانلىقىنى پاكىت قىلىشاتتى. شۇ ئارقىلىق ”زادى ئۇيغۇر ئەسكى، ھەممە گۇناھ ئۆزىمىزدە، ھەممىگە ئۆزىمىز سەۋەبچى“ دېگەندەك، زامانغا ماس بىخەتەر چۈشەندۈرۈشلىرىگە ئاساس تاپقاندەك بولۇشاتتى. قارىسام ئامېرىكىدا خەنسۇنى خەنسۇ بوزەك قىلىدىكەن. ئادەتتە بىر كىشى ئۆز ئانا مەدنىيىتىدىن ئايرىلىپ يات موھىتقا كەلگەندە موھىت، ئادەت، قانۇن قاتارلىقلارغا ناتونۇش بولغاچقا كۆپ خاتالىشىدۇ. ئالاقىلەردە، خىزمەتتە ۋە تۇرمۇشتا ئۆزىگە ئىشىنىپ بولالمايدۇ. يات مەدەنىيەت ئىچىدە يېتىمسىراپ زېرىكىدۇ، غېرىپسىنىدۇ. مۇشۇنداق سەۋەبلەر بىلەن ئۆزى بىلەن تىلداش، دىنداش ۋە ۋەتەنداش كىشىلەرنىڭ يېنىغا سىغىنىدۇ. بۇ بەزى ساختىپەزلەرنىڭ قارا يۈرەكلەرچە مىكىر ئىشلىتىشلىرىگە پۇرسەت يارىتىپ بېرىدۇ، دە بوزەك قىلىنىدۇ. ئايالىمنىڭ بوزەك بولۇشى ئەسلىدىنلا قانۇنسىز ئىشلەشكە ئۇرۇنغانلىقى، ئامېرىكا جەمئىيىتىنى چۈشەنمەسلىكى سەۋەپ بولغان. ئۆزىمىزنىڭ تىلىمىز تۇتۇق بولغاچقا بۇ ھەقتە ھىچ كىشىگە تىنالمىدۇق. دېمەك، ھەر قانداق ئەلدىكى كۆچمەنلەرنىڭ بىر بىرىگىلا مەلۇم مەخپىي ئاجىزلىقلىرى ۋە تارىخى بار. ئۇلار بىر بىرىگە مۇشۇنداق قۇسۇرلىرى سەۋەبلىك ئالدىنىدۇ. مۇشۇنداق ئاجىزلىقلىرى سەۋەبلىك قېرىنداشلىرىدىن كۈلپەت تارتىدۇ.
ئايالىمنىڭ ئىككىنجى قېتىم ئىشلىگىنى بىر پەلەستىنلىكنىڭ ئاشخانا ۋە تاللا بازار بىرلەشتۈرۈلگەن دۇككىنى بولدى. بۇ يەردە ئۈچ ئايغا يېقىن چىشىنى چىشلەپ تۇرۇپ بېقىپ ئاخىرى يىغلاپ يېنىپ چىقتى. سەۋەبىنى خۇلاسىلەپ باقسام باشقۇرۇشتىكى قوپاللىق، باراۋەرسىزلىك، ئىشەنچسىزلىك ئىكەن. خوجايىن ئىنتايىن قوپال بولۇپ ئايالىمدىن سەھۋەنلىك ئۆتكەن ھامان ۋارقىراپ كېتىدىكەن. بىر مىنۇتتا تۈزەتكىلى بولىدىغان خاتالىق ئۈچۈن يېرىم سائەت ۋارقىراپ تەنبىھلىگەندىن كېيىن ئاچچىقى بېسىقىپ بولدى قىلىدىكەن. خوجايىننىڭ ئىنىسىمۇ دۇككاندا بىللە ئىشلەيدىغان بولۇپ ئىشقا كېچىكىپ كېلىپ بۇرۇن كېتىدىكەن. ئۆزىنىڭ ئىشىنى تۈگىتىپ بولالمىسا باشقىلارغا قالدۇرۇپ راۋان بولىدىكەن. ئاكىسى ئىنىسىنىڭ قىلغانلىرىنى كۆرمەسكە سالىدىكەن. خوجايىن ئىنىسى يوق چاغدا دۇككانغا ئورنىتىپ قويغان كامىرا بىلەن بولۇۋاتقان ئىشلارنى ئۆيدە كۆرۈپ، نازارەت قىلىپ تۇرىدىكەن.
ئايالىم شۇنىڭغا چىدىماي پەلەستىنلىكتىن ئېلىۋاتقان خېلى يۇقۇرى مۇئاشنى تاشلاپ شەھرىمىزدىن ئىككى سائەتكە يېقىن يىراقلىقتىكى بىر ئەرمەننىڭ قولىدا ئىشلىدى. مۇئاش ئەسلىدىكىسىنىڭ يېرىمىغا توغرا كېلەتتى. ئەمما ئەرمەن قىز ئايالىمغا مۇھەممەدىنىڭ قولىدا ئېرىشەلمىگەن باراۋەرلىك، ئىشەنچ ۋە ھۆرمەتنى ئاتا قىلدى. ئەرمەن خوجايىن ھەتتا قىزىمنىڭ تۇغۇلغان كۈنىدە ئۇلارنى كانزاس شەھرىگە ئېلىپ بېرىپ ئوينىتىپ كەلدى. ئايالىمنىڭ ئەرمەن قىز بىلەن ھەر كۈنى ئىشقا خوشال كېتىپ مەمنۇنىيەت بىلەن قايتىۋاتقان ھالىتىگە قاراپ ”ئادەم پۇلغىلا ئىشلىمەيدىكەن“ دەپ قالغانىدىم.
بوزەكلىك ھادىسىسى ھەممە ئەلدە مەۋجۇد بولۇپ ھەرقانداق زاماندا كۆرۈلىشى مۇمكىن. ئادەتتە ۋەتەندە بىر ئۇيغۇر بوزەك قىلىنغانلىقى بىلىنگەن ھامان بوزەك قىلغۇچىنىڭ مىللىتىنى سورايدىغان ئادەت بار ئىكەن. ئەمەلىيەتتە بىر ئۇيغۇرنىڭ يەنە بىر ئۇيغۇرنىڭ قولىدا بۇزەك قىلىنىشى ئۇيغۇرلارنىڭ ئېسىل يەنە بىر مىللەتنىڭ يارىماس بولۇشى بىلەن پەقەت مۇناسىۋەتسىز. ئۇيغۇرنىڭ ئۇيغۇردىن تاياق يىيىشى مىللىتىمىزنىڭ رەھىمسىزلىكى، ئىتتىپاقسىزلىقى سەۋەبىدىن ئەمەس بەلكى تاياقلىغۇچى ئورگان ياكى شەخس تاياقلاش ئارقىلىق ئېرىشىدىغان نەپنىڭ قىزىقتۇرىشى، تاياقلاش ئارقىلىق ئېرىشىلىدىغان كاپالەتنىڭ ئېزىقتۇرىشى ۋە تاياقچىلىقنىڭ شەرتسىز قوغدىلىشى بىلەن مۇناسىۋەتلىك. ئەگەر جەمئىيەتنىڭ تۈزۈمى ئەركىن، ساغلام، ئادىل، ئاشكارە بولۇپ دېموكراتىك پىرىنسىپلارغا ئۇيغۇن بولسا تاياقلىغۇچى-بوزەك قىغۇچى ناچارلىقىدا ئەزۋەيلىيەلمەيدۇ. بۆزەك قىلىنغۇچىنىڭ شىكايەت، ئەرىز ۋە نارازىلىقلارى دائىم ئىجابىي نەتىجىلەنسە كىشىلەر غەيرەتلىنىپ بوزەكلىككە يول قويمايدىغان پەزىلەتكە ئېرىشىدۇ. بۇنىڭ ئەكسىچە بولغان جەمئىيەتتە بوزەكلىك ئىزچىللىشىپ، ئەنئەنە شەكىللەندۈرىدۇ. بوزەك بولۇشتىن قورقۇش كىشىلەرنىڭ مەۋجۇدلىقىنى داۋاملاشتۇرۇشنىڭ بىخەتەر يولىغا ئايلىنىپ قالىدۇ. ھاكىمىيەت بىلەن كىشىلەر ئوتتۇرىسىدىكى مۇناسىۋەت ئېزىش ۋە ئېزىلىش، باشقۇرۇش ۋە باشقۇرۇلۇش، باستۇرۇش ۋە باستۇرۇلۇش مۇناسىۋىتىگە ئايلىنىپ قالغان جەمئىيەتتە يەكلەنگەنلەر ئۆزىدىكى ئاتالمىش يارىماسلىق، ھورۇنلۇق، بىلىمسىزلىك، ئىللەتلىك ۋە قالاقلىقىنى رىياللىقتىكى ئۇتۇقسىزلىقىغا، ئۈمىدسىزلىكىگە ۋە بىقوۋۇل ھالىتىگە سەۋەب قىلىپ چۈشەندۈرۈپ شۇ بوزەك ھالىتىگە شۈكرى قىلىشنى تەشەببۇس قىلىدۇ. ئۇلار بوزەكلىكىنىڭ داۋاملىشىشىنى، تىنچ بوزەكلىك ئىچىدە ياشاشنى، سۈكۈت ئىچىدىن سىقىلىشنى تىرىكلىكنىڭ مەخپىي رىتسىپلىرىدىن دەپ تونۇسا كېرەك.

ئۆزگەرسەڭ دەيمەن. مەن سۆيۈپ يازغانلىرىمنى ھاياتتىن مەنە ئىزدىگەن، يامان ئادەتلەرگە، خاتا پوزىتسىيەگە، ناتوغرا تەپەككۇرغا قۇل بولۇشنى رەت قىلغان، مۇۋەپپەقىيەتتىن ۋاز كەچمەيدىغان بارلىق قەدىردانلىرىمغا سۆيۈنۈپ ھەدىيە قىلىمەن. كۆزلىگىنىم ئورتاق خۇشاللىق، كۈيلىگىنىم ئۆزگىرىش مارشى، ئۈمىد مارشىدۇر.

جاۋاب يېزىش