Deprecated: Function create_function() is deprecated in /customers/6/1/7/uyghur.kim/httpd.www/wp-includes/pomo/translations.php on line 208 Özgirish marshi » Azat Uyghur Munbiri

TARIHI EMINIYE – HISTORY OF PEACE
HUNLARNING QISQICHE TARIHI
SHERQIY TURKISTAN TARIHI
QESHQERNING YEQINQI WE HAZIRQI ZAMAN MAARIP TARIXI
Tengri qamchisi Atilla
1933-1937 - yilliridiki weqeler
1944 - yilidiki weqeler
Ottura Asiya Tarixi Tézisliri
Seidiye xanliqi heqqide qisqiche bayan
Sopaxun Sawurof Heqqide Stalingha yollanghan xet
Sun jungsen we Ilixan Töre
Uyghurlarning Mongghul impiriyiside oynighan roli.
Uyghurlar Sherqte we Gherbte
Qedinqi Merkizi Asiya
Uyghur Kilassik Edebiyat Tarixi
Uyghur Maarip Tarixi
Tarixtin Qisqiche Bayanlar
Hoten Qozghulingi Heqqide
Uyghurlar - Turghun Almas
«Tarixiy reshidiy» heqqide
Ili sultani obul elaning chet eldiki tutqunluq hayatigha da'ir muhim üch höjjet
Qaraxanilar we Idiqut xanliqi heqqide
9 - 12 - Esirlerdiki Uyghur Döletliri
8-10- Esirlerdiki Gherbiy Yurt heqqide tetqiqat
Qedimqi Merkizi Asiya
Jenubiy Shinjyang Uyghur xiristiyan uyushmisi
Kazaklar Aqsuda
Alte Sheher Mektupliri
Yerken xanliqi tarixidin omumiy bayan
Ürümchi Söhbitidin kéyin
Seidiye xanliqigha dair matériyallar
Qaraxanilarning Dölet Teshkilati
Orxun Uyghur xanliqining qisqiche Tarixi
Farabi we uning Pelsepe sistémisi
Choqan welixanow we Uyghurlar heqqide
Uyghur kilassik Edebiyat tarixi
Xoten qozghilingi Heqqide
Millitars Shing dewridiki eslime
Bughraxanlar tezkirisi
1933 - 1937 - yilliridiki weqeler
6 - déwiziye
1944 - yilidiki paaliyet
Shinjyang Tarix Matériyalliri 1- 50
Uyghurlarning shekillinish jeryani
Balasaghunning Orni
Milliy Armiyining qisim qurulmisi
Orxundin Jewherler 1 - 2
Altay neshriyati
  • 1
  • 2
  • 3
  • 4
  • 5
  • 6

!Barliqimiz Bedel Bolsun Weten Üchün

.Sehipimizdiki Barliq Eserler Heqsiz. Xalighanche Chüshürüp Paydilansingiz Bolidu

Özgirish marshi

Abduweli ayup

Hemmimiz hayatimizda bir yéngiliq bolsiken deymiz.her bireylen bügünimizning tünügünge qarighanda yaxshiraq bolushni arzu qilimiz.hich qaysimizning ebjeq kechürmishlirimizge ésilip yashighumiz yoq. Undaqta qandaq qilimiz? Özgerteyli! Némini özgertimiz? Aditimizni özgerteyli. Qandaq özgertimiz? Pilanliq, nishanliq özgertimiz. Aditimizni özgertsek özlikimiz özgireydu.özlikimiz hemmini özgertidu.
Adem adetning quli. Biz qulluqni ret qilishimizkérek. Qulning pilani we nishani bolmaydu,u bashqilarning nishani we pilani üchün xizmet qighachqa qul déyilidu. Shunga aldi bilen bizni qul qiliwatqan adetlirimizni özgerteyli. Adetlirimiz özgermey turup tikligen ulughwar ghayilirimiz peqet horun ténimizge körpe bolidu xalas.shunga qedinaslirimdin yaxshi adetliri bolsa dawamlashturushni, eger özide téxiche birer paydiliq adet yétildürmigen bolsa mundaq üch adetni yétildürüshni teshebbus qilimen. Bular öginish, chéniqish we turmush aditidur. Adette adem herqandaq bir ishni boshashmay 15 kün dawam qilsa adetke aylinidu. Mushu üch xil adetke uyghun qilip awal siz yetmekchi bolghan bir nishanni belgileysiz, andin shunishangha yétish üchün bir yilliq, peqet bolmighanda bir ayliq pilan tüzisiz. Yéngi adetke yéteklesh üchün men on besh kün ichide herküni bamdattin burun birparche yazma yollaymen siz choqum shu waqitta qopishingiz kérek. Yazmini oqup bolghandin kéyin yérim sa’ettin bir sa’et etrapida birer nerse öginisiz, kitab oquysiz yaki chéniqisiz. Kechte on yérimdin on bir yérimghiche uxlashtin burun bir sa’et yaki yérim sa’et etrapida kitab oquysiz. Ehwalgha qarap her küni öginish we chéniqish waqtingiz bir sa’ettin kem bolmasliqi kérek. Her küni eng bolmighandabir natonushqa salam, bir tonushqa yaridem qilisiz we qeti tamada, ghezeptebolmaysiz. Öylük perzentlik bolsingiz her küni hemriyingiz we perzentingizning maxtashqa erzigüdek yerlirni bir qétim xiyal qilisiz we pursitini tépip maxtaysiz. Hayatta her küni etrapingizdikilerning yaxshi tereplirige diqqet qilisiz we bayqighan haman öginiwalisiz we teripleysiz. Jemiyettin, kishilerdin qaqshawatqanlarning yénidin qetiy yiraqlishisiz. Herzaman herqandaq ishning yaxshi teripini oylaysiz. Her qandaq bir ishta bir hikmetning barliqigha qeti ishinisiz. Her axshimi uxlashtin burun özingizdin hisap alisiz. Bir xatire tutup qilghanliringizni we qilip bolalmighiningizni yézip qoyisiz.
Shertim birla, siz özgirishingiz kérek. Men söyüp yazghanlirimni hayattin mene izdigen,yaman adetlerge qul bolushni ret qilghan, bextlik yashash hoquqidin wazkechmeydighan barliq qedirdanlirimgha söyünüp hediye qilimen. Közliginim ortaq xushalliq, küyliginim özgirish marshi, ümid marshidur.

Eskertish :
Özgirish marshi 22-apiril bashlinidu. Kona adetliringizning iskenchisidin qutulup hayatingizda yéngiliq hasil qilay disingiz bir yilliq ,birayliq yaki birheptilik pilan tüzüp bolghandin kiyin 22-april bamdattin burun birinji qedemni alghaysiz .men sizge yazmilirimni hediye qildim .siz manggha érishken netijiliringizning xush xewirini hediye qiling.shundaq kilishtuq emise,wedimiz wede!!!

 

 

ئۆزگىرىش مارشى
ئابدۇۋەلى ئايۇپ
 

    ھەممىمىز ھاياتىمىزدا بىر يېڭىلىق بولسىكەن دەيمىز.ھەر بىرەيلەن بۈگۈنىمىزنىڭ تۈنۈگۈنگە قارىغاندا ياخشىراق بولۇشنى ئارزۇ قىلىمىز.ھىچ قايسىمىزنىڭ  ئەبجەق كەچۈرمىشلىرىمىزگە ئېسىلىپ ياشىغۇمىز يوق. ئۇنداقتا قانداق قىلىمىز؟ ئۆزگەرتەيلى! نېمىنى ئۆزگەرتىمىز؟ ئادىتىمىزنى ئۆزگەرتەيلى.  قانداق ئۆزگەرتىمىز؟ پىلانلىق، نىشانلىق ئۆزگەرتىمىز. ئادىتىمىزنى ئۆزگەرتسەك ئۆزلىكىمىز ئۆزگىرەيدۇ.ئۆزلىكىمىز ھەممىنى ئۆزگەرتىدۇ.
ئادەم ئادەتنىڭ قۇلى. بىز قۇللۇقنى رەت قىلىشىمىزكېرەك.  قۇلنىڭ پىلانى ۋە نىشانى بولمايدۇ،ئۇ باشقىلارنىڭ نىشانى ۋە پىلانى ئۈچۈن خىزمەت قىغاچقا قۇل دېيىلىدۇ. شۇڭا ئالدى بىلەن بىزنى قۇل قىلىۋاتقان ئادەتلىرىمىزنى ئۆزگەرتەيلى. ئادەتلىرىمىز ئۆزگەرمەي تۇرۇپ تىكلىگەن ئۇلۇغۋار غايىلىرىمىز پەقەت ھورۇن تېنىمىزگە كۆرپە بولىدۇ خالاس.شۇڭا قەدىناسلىرىمدىن ياخشى ئادەتلىرى بولسا داۋاملاشتۇرۇشنى، ئەگەر ئۆزىدە تېخىچە بىرەر پايدىلىق ئادەت يېتىلدۈرمىگەن بولسا مۇنداق ئۈچ ئادەتنى يېتىلدۈرۈشنى تەشەببۇس قىلىمەن. بۇلار ئۆگىنىش، چېنىقىش ۋە تۇرمۇش ئادىتىدۇر. ئادەتتە ئادەم ھەرقانداق بىر ئىشنى بوشاشماي 15 كۈن داۋام قىلسا ئادەتكە ئايلىنىدۇ. مۇشۇ ئۈچ خىل ئادەتكە ئۇيغۇن قىلىپ ئاۋال سىز يەتمەكچى بولغان بىر نىشاننى بەلگىلەيسىز، ئاندىن شۇنىشانغا يېتىش ئۈچۈن بىر يىللىق، پەقەت بولمىغاندا بىر ئايلىق پىلان تۈزىسىز. يېڭى ئادەتكە يېتەكلەش ئۈچۈن مەن ئون بەش كۈن ئىچىدە ھەركۈنى بامداتتىن بۇرۇن بىرپارچە يازما يوللايمەن سىز چوقۇم شۇ ۋاقىتتا قوپىشىڭىز كېرەك. يازمىنى ئوقۇپ بولغاندىن كېيىن يېرىم سائەتتىن بىر سائەت ئەتراپىدا بىرەر نەرسە ئۆگىنىسىز، كىتاب ئوقۇيسىز ياكى چېنىقىسىز. كەچتە ئون يېرىمدىن ئون بىر يېرىمغىچە ئۇخلاشتىن بۇرۇن بىر سائەت ياكى يېرىم سائەت ئەتراپىدا كىتاب ئوقۇيسىز. ئەھۋالغا قاراپ ھەر كۈنى ئۆگىنىش ۋە چېنىقىش ۋاقتىڭىز بىر سائەتتىن كەم بولماسلىقى كېرەك. ھەر كۈنى ئەڭ بولمىغاندابىر ناتونۇشقا سالام، بىر تونۇشقا يارىدەم قىلىسىز ۋە قەتئى تامادا، غەزەپتەبولمايسىز. ئۆيلۈك پەرزەنتلىك بولسىڭىز ھەر كۈنى ھەمرىيىڭىز ۋە پەرزەنتىڭىزنىڭ ماختاشقا ئەرزىگۈدەك يەرلىرنى بىر قېتىم خىيال قىلىسىز ۋە پۇرسىتىنى تېپىپ ماختايسىز. ھاياتتا ھەر كۈنى ئەتراپىڭىزدىكىلەرنىڭ  ياخشى تەرەپلىرىگە دىققەت قىلىسىز ۋە بايقىغان ھامان ئۆگىنىۋالىسىز ۋە تەرىپلەيسىز. جەمئىيەتتىن، كىشىلەردىن قاقشاۋاتقانلارنىڭ يېنىدىن قەتئىي يىراقلىشىسىز. ھەرزامان ھەرقانداق ئىشنىڭ ياخشى تەرىپىنى ئويلايسىز. ھەر قانداق بىر ئىشتا بىر ھىكمەتنىڭ بارلىقىغا قەتئى ئىشىنىسىز. ھەر ئاخشىمى ئۇخلاشتىن بۇرۇن ئۆزىڭىزدىن ھىساپ ئالىسىز. بىر خاتىرە تۇتۇپ قىلغانلىرىڭىزنى ۋە قىلىپ بولالمىغىنىڭىزنى يېزىپ قويىسىز.
شەرتىم بىرلا، سىز ئۆزگىرىشىڭىز كېرەك. مەن سۆيۈپ يازغانلىرىمنى ھاياتتىن مەنە ئىزدىگەن،يامان ئادەتلەرگە قۇل بولۇشنى رەت قىلغان، بەختلىك ياشاش ھوقۇقىدىن ۋازكەچمەيدىغان بارلىق قەدىردانلىرىمغا سۆيۈنۈپ ھەدىيە قىلىمەن. كۆزلىگىنىم ئورتاق خۇشاللىق، كۈيلىگىنىم ئۆزگىرىش مارشى، ئۈمىد مارشىدۇر.


ئەسكەرتىش :
    ئۆزگىرىش مارشى 22-ئاپىرىل باشلىنىدۇ. كونا ئادەتلىرىڭىزنىڭ ئىسكەنچىسىدىن قۇتۇلۇپ ھاياتىڭىزدا يېڭىلىق ھاسىل قىلاي دىسىڭىز بىر يىللىق ،بىرئايلىق ياكى بىرھەپتىلىك پىلان تۈزۈپ بولغاندىن كىيىن 22-ئاپرىل بامداتتىن بۇرۇن بىرىنجى قەدەمنى ئالغايسىز .مەن سىزگە يازمىلىرىمنى ھەدىيە قىلدىم .سىز ماڭغا ئېرىشكەن نەتىجىلىرىڭىزنىڭ خۇش خەۋىرىنى ھەدىيە قىلىڭ.شۇنداق كىلىشتۇق ئەمىسە،ۋەدىمىز ۋەدە!!!

جاۋاب يېزىش